За нас

Лилјана Динев е дипломиран инженер по менаџмент на еколошки ресурси на Универзитетот МИТ во Скопје и тековни постдипломски студии на Катедрата за управување со природни ресурси и заштита на животната средина во земјоделството на Факултетот за земјоделски науки и храна со посебен акцент на мелиорацијата и ерозијата во земјоделството. Таа е специјалист за животна средина со повеќе од 15 години искуство во соработка со животната средина и имплементација на проекти со општини, локални невладини организации, ГИЗ, УНЕП и приватниот сектор. Како проектен координатор е одговорна за координација на сите аспекти од имплементацијата на проектите со проектните партнери, за рационализирање на техничките барања и за поддршка на ефикасно спроведување на проектите и навремено и доследно техничко известување.

Андријана Ристовска Костовскаима 10 години работно искуство во Секторот за одобрување на проекти, кој е делод Агенцијата за финансиска поддршка во земјоделството и руралниот развој. Нејзината одговорност опфаќаше подготовка и преглед на документацијата на апликациите за финансиска поддршка од ИПАРД Програмата, правејќиевалуација на истите согласно пропишаните критериуми за доделување на неповратни финансиски средства.Од 2012-та година започна да работи на спроведување на меркатаза “Преработка и маркетинг на земјоделските производи”, а во 2017-та беше назначена за овластен советник за анализа и одобрување на проекти во одделението за “Подобрување на конкурентноста на земјоделските стопанства”. Таа е дипломиран инженер Агроном на Факултетот за земјоделски науки и храна во Скопје, а дипломските студии ги заврши во 2009-та година, како студент на Агро-економската насока.

После долгогодишен претстој и работа како контролор на квалитет на земјоделски производи во западно -јужниот дел на Франција, регионот Ланд, кај Елена се разви интересот за одржливо земјоделско производство поради што активно почна да се бави и образува во Франција за пермакултурата. Повеќегодишното искуство во пермакултурата е резултат на личниот интерес и желба за една подобра и почиста животна средина, со примена на природните водни ресурси, како и обновување и одржување на почвата без пестициди. Во моментот ја до-комплетира својата едукација по што ќе може да стане сертифициран тренер за пермaкултурата.

Елена Зафировска Переира Гомес е дипломиран туризмолог ( Скопје) како и дипломиран туристичко-агенциски работник (Женева).

Елена има петнаесет годишно искуство во туризмот, како и неколку годишно искуство во културно-туристичката промоција на Македонија, промовирање на рурално – манастирскиот туризам во нејзините граници, како и вон нејзините граници во Франција, Швајцарија и Португалија.

Работното искуство во Обединетите Нации во Женева, како и во Тајванската делегација за економска и културна промоција во Женева го надополни веќе стекнато знаење, како и пристап до глобалната туристичка и култура промоција. Сите овие искуства е спремна да ги вложи во проектот Пермакултура, одржливо живеење.

Др. Илир Љума, е доктор по медицина со 35 годинишно искуство во примарната здравствена заштита, во превентивните и куративните дејности. Од 1995 до 1998 година ја вршеше функцијата заменик министер за здравство на Република Македонија. Активно учествуваше во подготовката на Законот за правата на пациентите и на Законот за правата и обврските на лекарите, како член на работната група на Министерството за здравство. Од 2005 до 2010 беше Потпретседател на Етичкиот Комитет при Лекарската Комора на Македонија.

Учествуваше во повеќе истражувања кои имаа за цел да го покажат влијанието на животната средина врз здравјето, особено влијанието на воздухот и опасните супстанции што се наоѓаат во него. За таа цел има учествувано во спроведување на повеќе проекти и развој на плански документи каде предлагаше мерки за подобрување на состојбата со животната средина. Воедно, има учествувано во изработката на повеќе студии за оцена на влијанието врз животната средина анализирајќи го можното влијание врз здравјето од предложените проекти.

Во досегашната пракса која произлегува од медицината заснована врз докази, доста успешно ја применува и комплементарната медицина при третман на нарушување на здравствената состојба на пациентите и успешно третирање на истите користејќи ги при тоа и начелата на алтернативната медицина. Воедно е стручен консултант на приватна компанија  во областа на здравствената заштита и превентивата.

Радица Коцева е магистер по економија на Економскиот факултет на Универзитетот „Свети Кирил и Методиј“ – Скопје. Таа зад себе има повеќе од 20 години професионална кариера во Министерството за финансии, каде што се има стекнато со огромно искуство во управување со јавни финансии, ЕУ интегративните процеси и управувањето со проекти, вклучувајќи дизајнирање, спроведување, следење и евалуација на проекти/програми финансирани од надворешни билатерални/мултилатерални донатори како што се ЕУ, ММФ, ЕБОР, ЕИБ и ЦЕБ.

Откако беше назначена за Раководител на Секторот за централно финансирање и договори (ЦФЦД) во Министерството за финансии во декември 2007 година, таа беше клучна фигура во подготовката на националните структури за исполнување на критериумите за акредитација на Европската комисија за индиректно управување со ИПА средствата додека не беше добиена акредитацијата во 2009 година за три компоненти на ИПА, т.е. ТАИБ, Компонента за регионален развој и Компонента за човечки ресурси. Во периодот од 2007-2020 година додека раководеше со ЦФЦД, под нејзина одговорност, во рамките на ЕУ Финансиската перспектива 2007-2013 и ЕУ Финансиската перспектива 2014-2020, успешно беше завршено огромно портфолио од повеќе од 400 проекти со вредност од повеќе од 500 милиони евра. Исто така, Радица Коцева беше Програмски Службеник за авторизација за неколку ЕУ TAIB национални програми и ЕУ повеќегодишни програми и беше назначена за Раководител на оперативната структура за програмите ИПА I и ИПА II. Таа беше одговорна за управување со „Оперативна програма за регионален развој 2007-2013“, која Европската комисија ја промовираше како една од најуспешно спроведените претпристапни програми финансирани од ИПА и којашто програма вклучуваше широко портфолио на инфраструктурни проекти и техничка помош во секторот заштита на животната средина.

За време на нејзиното раководење со ЦФЦД, таа вложи големи напори за подобрување на работната култура кај вработените преку воведување на добри пракси во управувањето со ИПА, како што се механизмите за внатрешна контрола, алатките за управување со човечки ресурси, како и високата етика и стандарди за интегритет. Исто така, таа е добро позната по нејзиниот пристап за решавање проблеми и одлучување во спроведувањето на проектите финансирани од ИПА во Република Северна Македонија, и пошироко во регионот. Одлично ги познава Европските правила за управување со проекти, ПРАГ правилата за јавни набавки и воспоставување на контролна рамка за управување со ЕУ средства.

Таа го напушти Министерството за финансии во септември 2020 година. Оттогаш, таа, исто така, има драгоцено искуство во давање на консултантски услуги во управувањето со фондовите на ЕУ и спроведувањето на најдобрите практики во земјите аспиранти за членство во Унијата од Балканскиот регион, како и во спроведување на анализи на трошоци и придобивки за политики и проекти.

Јадранка Иванова, е дипломиран правник и магистер по јавна политика и менаџмент (Pittsburg University, USA) и магистер за наука за животната средина и менаџмент (Brunel University, London, UK).

Таа има речиси 20 годишно работно искуство во Министерството за животна средина и просторно планирање на повеќе раководни позиции. Беше одговорна за подготовката и усогласување на домашното законодавство од областа на животната средина и клима со она на ЕУ, за процесот на пристапување кон ЕУ за Поглавје 27 и за реформите во јавната администрација во областа на животната средина. Од 2013 до 2017 вршеше функција на Постар програмски службеник (СПО) и ИПА координатор и успешно спроведе повеќе од 30 проекти на техничка помош и градба финансирани од ИПА фондовите на ЕУ за животна средина и клима, во вкупна вредност од над 80 милиони евра  и го раководеше спроведувањето на ИПА I Компонента 3 „Оперативната програма за регионален развој 2007-2013“ за секторот животна средина. Воедно, беше одговорна за програмирањето на фондовите за ИПА 2 програмски период 2014 – 2020 и ја водеше Владината секторската работна група за животна средина и климатски акции.

Има повеќе од 23 години искуство во областа на животната средина и клима. Има изработено повеќе од 15 закони и повеќе од 400 подзаконски акти од оваа област, усогласени со правото на ЕУ. Воедно, дел од својот работен ангажман го реализира во Албанија како раководител на програмата која обезбедува поддршка на Министерството за туризам и животна средина во процесот на преговарање со ЕУ за Поглавје 27.

Во својата работна кариера спроведе многубројни обуки за правото и управувањето со животната средина насочени за зајакнување на административните капацитети на националните и локалните органи на управата во Северна Македонија.