На 7 април 2025 година, во Брисел се одржа тркалезна маса на високо ниво на тема „Унапредување на зелената инфраструктура во Западен Балкан 6“, во коорганизирана од страна на Мисијата на Северна Македонија во ЕУ и Институтот за добро владеење и политики во животната средина и климатските промени (ИПЕК), со поддршка од Фондацијата Отворено Општество – Западен Балкан (OSF-WB), во рамките на ИГНИТА иницијативата.
Настанот ги собра клучните чинители од ЗБ6, институциите на ЕУ, граѓанското општество и меѓународните организации за да разговараат за регионалната соработка и зелената инфраструктура како камен-темелник на Зелената агенда за Западен Балкан (GAWB). Дискусиите се фокусираа на усогласување на инвестициите во инфраструктурата со зелените приоритети на ЕУ, подобрување на капацитетот за финансиска апсорпција и мобилизирање на претпристапните фондови.
Амбасадорот Зулфи Исмаили ја истакна важноста на регионалниот дијалог, додека претседателот на ИПЕК, Г-ѓа Јадранка Иванова, ги презентираше клучните наоди за инфраструктурните празнини во третманот на отпадните води, управувањето со отпадот и биодиверзитетот. Таа повика на посилна координација на инвестициите, механизми за дијалог на ЕУ и ангажман на граѓанското општество.
Настанот беше отворен со поздравни зборови од амбасадорот Зулфи Исмаили, шеф на Мисијата на Република Северна Македонија во ЕУ, кој ја подвлече важноста на дијалогот и соработката во справувањето со заедничките предизвици во регионот. Г-ѓа Јадранка Иванова, претседател на ИПЕК, ги истакна целите и политичкиот контекст на настанот, поврзувајќи го со резултатите од Форумот на граѓанското општество во рамки на Берлинскиот процес од 2023 година и тековните напори за зелена транзиција на WB6. Г-дин Клоѓан Сеферај, програмски менаџер од OSF – WB, ја истакна улогата на граѓанското општество во обезбедување на ефективен надзор и забрзување на реформските процеси, особено во усогласувањето на националните инвестиции со зелените приоритети на ЕУ.
Претставниците на Европската комисија ја нагласија потребата од оперативна подготвеност, иновативно финансирање и флексибилни инвестициски рамки. Шефовите на мисијата на ЗБ6 ги истакнаа предизвиците во административниот капацитет и повикаа на зголемена поддршка од ЕУ, особено на локално ниво.
Тркалезната маса заврши со заедничка посветеност за претворање на политичката волја во конкретна акција, поддржана од стратешко планирање и одржливо финансирање, потврдувајќи ја зелената инфраструктура како витална за интеграцијата во ЕУ и одржливиот развој во регионот.
